ജാസ്മിന്‍ സമീറിന് യുആര്‍എഫ് പുരസ്‌കാരം
ദുബായ്: സാഹിത്യ രംഗത്ത് നല്‍കിയ സംഭാവനകള്‍ പരിഗണിച്ച് യുവ എഴുത്തുകാരി ജാസ്മിന്‍ സമീറിന് യൂണിവേഴ്‌സല്‍ റെക്കോര്‍ഡ് ഫോറത്തിന്റെ ‘യംങ് ഓഥര്‍ അവാര്‍ഡ്’. ഈ മാസം 12ന് ദുബായ് ഷെറാട്ടണ്‍ ഹോട്ടലില്‍ നടക്കുന്ന ചടങ്ങില്‍ അവാര്‍ഡ് സമ്മാനിക്കുമെന്ന് യുആര്‍എഫ് സിഇഒ ഡോ. സൗദീപ് ചാറ്റര്‍ജിയും ചീഫ് എഡിറ്റര്‍ ഡോ. സുനില്‍ ജോസഫും അറിയിച്ചു.
ഷാര്‍ജ ഇന്ത്യന്‍ സ്‌കൂള്‍ അധ്യാപികയായ ജാസ്മിന്‍ കണ്ണൂര്‍ ചിറയ്ക്കല്‍ സ്വദേശിനിയാണ്. സ്‌കൂള്‍ പഠന കാലത്ത് തന്നെ കഥ, കവിത, ലേഖനങ്ങള്‍ എഴുതിത്തുടങ്ങിയിരുന്നു. ‘വൈകി വീശിയ മുല്ല ഗന്ധം’, ‘കാത്തുവച്ച പ്രണയമൊഴികള്‍’, ‘ശൂന്യതയില്‍ നിന്ന് ഭൂമി ഉണ്ടായ രാത്രി’ എന്നീ മൂന്ന് കവിതാ സമാഹാരങ്ങള്‍ പ്രസിദ്ധീകരിച്ചു. ഈ കൃതിക്ക് വൈക്കം മുഹമ്മദ് ബഷീര്‍ പുരസ്‌ക്കാരം ലഭിച്ചിട്ടുണ്ട്. ‘മകള്‍ക്ക്’ എന്ന പേരില്‍ ഒരു കാവ്യസമാഹാരം എഡിറ്റ് ചെയ്തു. ഭിന്നശേഷിക്കാര്‍ക്ക്‌നല്‍കുന്ന സേവനത്തിന്റെ ഭാഗമായി ഒരു വിദ്യാര്‍ത്ഥിയുടെ പുസ്തകത്തിന്റെ അറബിക് വിവര്‍ത്തനവും നിര്‍വഹിച്ചു.
2020ല്‍ പ്രകാശനം ചെയ്യപ്പെട്ട ‘ശൂന്യതയില്‍ നിന്ന് ഭൂമി ഉണ്ടായ രാത്രി ‘ എന്ന കവിതാ സമാഹാരത്തിന് സാമൂഹിക, സാംസ്‌കാരിക രംഗങ്ങളില്‍ സജീവമായ ജാസ്മിന്‍ ഏതാനും മലയാള ആല്‍ബങ്ങള്‍ക്ക് പാട്ടെഴുതിയും സര്‍ഗരംഗത്തെ പ്രതിഭ തെളിയിച്ച കലാകാരിയാണ്. ഇതിനകം 4 മലയാള ആല്‍ബങ്ങള്‍ക്ക് ഗാനരചന നിര്‍വഹിച്ചു.
