യുഎഇ-വലിയപറമ്പ പഞ്ചാ.കെഎംസിസി ‘മുലാഖാത്’ സീസണ്‍ 4ന് പ്രൗഢ സമാപനം
ദുബായ്: യുഎഇ-വലിയപറമ്പ പഞ്ചായത്ത് കെഎംസിസി സംഗമമായ ‘ഹാപ്പി വേ ഗ്രൂപ് മുലാഖാത്’ സീസണ്‍ 4 ദുബായ് ക്രസന്റ് ഹൈസ്‌കൂള്‍ സമുച്ചയത്തില്‍ വിപുലമായ പരിപാടികളോടെ സംഘടിപ്പിച്ചു. കാസര്‍കോട് ജില്ലയിലെ യുഎഇയിലുള്ള വലിയപറമ്പ പഞ്ചായത്ത് പ്രദേശത്ത് നിന്നുള്ളവരുടെ ഒത്തുചേരലില്‍ 600ലധികം പേരാണ് എത്തിയത്.
മൂന്നു ഗ്രൂപ്പുകളാക്കി തിരിച്ചായിരുന്നു മല്‍സര പരിപാടികള്‍ നടത്തിയത്. രണ്ടു മാസമായി നടന്നു വന്ന മല്‍സരങ്ങളുടെ സമാപനത്തിന് വന്‍ ജനസാന്നിധ്യമാണുണ്ടായത്. ഓണ്‍ലൈനായും സ്‌റ്റേജിലും മല്‍സര പരിപാടികള്‍ അരങ്ങേറി.
ഖുര്‍ആന്‍ പാരായണം, മാപ്പിളപ്പാട്ട്, പ്രസംഗം, ടിക് ടോക് , വാങ്കുവിളി, അനൗണ്‍സ്‌മെന്റ്, ഫുട്‌ബോള്‍, ക്രിക്കറ്റ്, ക്വിസ്, ദഫ്മുട്ട്, ഫാന്‍സി ഒപ്പന, ഫാന്‍സി കോല്‍ക്കളി, വിനോദ ഗെയിമുകള്‍, കുട്ടികളുടെ ഗെയിമുകള്‍, ലേഡീസ് കോര്‍ണര്‍ എന്നിവയാണുണ്ടായിരുന്നത്. പി.ഇസ്മായില്‍ മെമ്മോറിയല്‍ ഓവറോള്‍ ട്രോഫി നേടി എനിവേര്‍ ട്രാവല്‍സ് സെന്‍ട്രല്‍ ടീം ചാമ്പ്യന്‍മാരായി.
കാസര്‍കോട് മുതല്‍ തിരുവനന്തപുരം വരെയും, യുഎഇയില്‍ ജബല്‍ ജൈസ് അടക്കമുള്ള പര്‍വത മേഖലകളിലും സൈക്കിളില്‍ സഞ്ചരിച്ച പി സലീമിനെയും, മികച്ച കരിയര്‍ നേട്ടത്തിന് ഡോ. നബീല ഖാലിദിനെയും ‘കലാം വേള്‍ഡ് റെക്കോര്‍ഡ്‌സി’ല്‍ ഇടം നേടിയ അഞ്ചു വയസ്സുകാരി ഫാത്തിമ നൂറ ജാബിറിനെയും ചടങ്ങില്‍ ആദരിച്ചു.
പി.കെ.സി അബ്ദുല്ല രചിച്ച ‘മരുഭൂ പരുന്തുകള്‍’ എന്ന പുസ്തകം അല്‍വഫ ഗ്രൂപ് മാനേജിംഗ് ഡയറക്ടര്‍ സി.മുനീര്‍ പി.കെ.സി ഖാലിദിന് നല്‍കി പ്രകാശനം ചെയ്തു. ‘മുലാഖാത്’ സീസണ്‍ 4 ചെയര്‍മാന്‍ ടി.സി.എ കറാമ, ജനറല്‍ കണ്‍വീനര്‍ അബ്ദുറഹ്മാന്‍ ബീച്ചാരക്കടവ്, ട്രഷറര്‍ ഷാഫി പൊയ്യക്കടവ്, യുഎഇ-വലിയപറമ്പ പഞ്ചായത്ത് കെഎംസിസി പ്രസിഡന്റ് ഷുക്കൂര്‍ മാടക്കാല്‍, ജനറല്‍ സെക്രട്ടറി സലാം പി.പി, ട്രഷറര്‍ പി.കെ.സി ഖാലിദ്, ഓര്‍ഗ.സെക്രട്ടറി യു.മുഹമ്മദലി, കെ.സി മുനീര്‍, പി.കെ അക്കാര്‍ച്ച, ജലീല്‍ എം.സി, പി.നാസര്‍, അബ്ദുല്ല പി.പി, പി.കെ അഷ്‌റഫ്, ഹാഷിം ടി.കെ.പി, ഷാഫി മാടക്കാല്‍, ഇബ്രാഹിം ടി.കെ, എം.സി ആസിഫ്, മുജീബ് ടി.കെ.ബി , ജബ്ബാര്‍ ടി.ഴകെ.പി, റസാഖ്.യു എന്നിവര്‍ നേതൃത്വം നല്‍കി.
പി.വി അബ്ദുല്‍ മജീദ് ഹാജി, സി.എച്ച് ഷംസീര്‍, ടി.പി ഹാരിസ് ഹാജി, ഷറഫുദ്ദീന്‍ ഒറ്റത്തയ്യില്‍, അഷ്‌റഫ് ഗ്രീന്‍ കീ, അബ്ദുല്ല അര്‍മ ഗ്രൂപ്, പി.കെ.സി നൗഷാദ്, ഗഫൂ കാരയില്‍, ഇ.കെ സിദ്ദിഖ്, ലുഖ്മാന്‍ ഉപ്പള, റഫീഖ് പടന്ന തുടങ്ങിയവര്‍ വിശിഷ്ടാതിഥികളായിരുന്നു. ജില്ലാ കെഎംസിസി നേതാക്കളായ അബ്ദുല്ല ആറങ്ങാടി, സലാം കന്യപ്പാടി, അഫ്‌സല്‍ മെട്ടമ്മല്‍, സലാം തട്ടാനിച്ചേരി, കുവൈത്ത് കെഎംസിസി നേതാവ് ഇക്ബാല്‍ മാവിലാടം തുടങ്ങിയവര്‍ സന്നിഹിതരായിരുന്നു.
സ്ത്രീകളുടെ പരിപാടികള്‍ക്ക് പ്രശസ്ത വ്‌ളോഗര്‍ സജിയ നജീബ്, ബുഷ്‌റ ജലീല്‍ എന്നിവര്‍ നേതൃത്വം നല്‍കി.
