യാബ് ലീഗല്‍ സര്‍വീസസ് 275 നഴ്‌സുമാരെ ആദരിച്ചു
റാസല്‍ഖൈമ: അന്താരാഷ്ട്ര നഴ്‌സസ് ദിനത്തോടനുബന്ധിച്ച് സഖര്‍ ഹോസ്പിറ്റല്‍ റാസല്‍ഖൈമയുമായി സഹകരിച്ച് യാബ് ലീഗല്‍ സര്‍വീസസ് 275 നഴ്‌സുമാരെ ആദരിച്ചു.
സഖര്‍ ഹോസ്പിറ്റല്‍ ഡയറക്ടര്‍ ഡോ. മുനാ ഉബൈദ് അല്‍ അയ്യാന്‍, ഡെപ്യൂട്ടി മെഡിക്കല്‍ ഡയറക്ടറും യൂറോളജി വിഭാഗം മേധാവിയുമായ ഡോ. വെയില്‍ ടോസണ്‍ അബ്ദുല്‍ സലാം എന്നിവര്‍ ചേര്‍ന്ന് പൊതു-സാമൂഹിക വിഷയങ്ങളില്‍ മികച്ച ഇടപെടലുകള്‍ നടത്തുന്ന യാബ് ലീഗല്‍ സര്‍വീസസ് സിഇഒ സലാം പാപ്പിനിശ്ശേരിക്ക് പ്രശംസാ പത്രം സമ്മാനിച്ചു.
റാസല്‍ഖൈമയില്‍ റേഡിയോളജി സര്‍വീസ് നടത്തുന്ന യൂണിസണ്‍ ക്യാപിറ്റല്‍ ഇന്‍വെസ്റ്റ്‌മെന്റില്‍ ക്വാളിറ്റി ഓഫീസര്‍ ശ്രീധരന്‍ പ്രസാദ് ഇഎച്ച്എസ് റാസല്‍ഖൈമ റേഡിയോളജി വിഭാഗം മേധാവി ഹനാ അല്‍ സാബി, യാബ് ലീഗല്‍ സര്‍വീസസ് ബിസിനസ് ഡവലപ്‌മെന്റ് മാനേജര്‍ ഫര്‍സാന അബ്ദുല്‍ ജബ്ബാര്‍ എന്നിവരാണ് സിഎസ്ആറിന്റെ പ്രവര്‍ത്തനങ്ങള്‍ ഏകോപിപ്പിച്ചത്.
അഡ്വ. തലത് അന്‍വര്‍, സമിയ ഖാന്‍ ചടങ്ങില്‍ സന്നിഹിതരായിരുന്നു.
